Біз фермерлік картопты жинап, фритюрға мінсіз сай келетін сұрыптарды ғана іріктеп аламыз. Құрамында ешқандай тұз, қант не консервант жоқ — тек таза өнімді, табиғи күнбағыс майын және экологиялық өндіріс тәжірибесін қолданамыз.

WE FRY көше гастросахнасын дамытып жүрген, дұрыс қытырлаққа ерекше мән беретін жобаларды қолдайды. Сондықтан WHERETOEAT Kazakhstan сыйлығы аясында біз WE FRY ON FIRE — «Ең үздік стрит‑фуд концепциясы» номинациясын аштық. Өз жобаңызды ұсыныңыз, сарапшылар бағасын алыңыз және ауқымды гастрономиялық шараның қатысушысы атаныңыз.

WE FRY — мұздатылған картоп фри мен батат өндіретін ресейлік жетекші компания. 2014 жылдан бері біз Lamb Weston/Meijer және McDonald’s сияқты әлемдік алпауыттармен бірге 32 миллиард рубльден астам инвестиция тартып, сәтті игердік.

Біз заманауи технологияны, инновацияларды, команданың кәсібилігі мен экологиялық өндіріс тәсілдерін сәтті ұштастырамыз.

Өнім дайындаудың әр кезеңіндегі ұсақ‑түйекке дейін мұқият мән беріп, сапаға баса назар аударамыз. Соның арқасында серіктестеріміз тұрақты табысқа қол жеткізіп отыр. Оларға бас сұққан қонақтар да тіл үйірер тағамға тамсанып: «Тағы бір картоп фри бере салыңызшы!» дейді.

WE FRY әлемнің ірі фаст‑фуд желілеріндегі тап сол аңызға айналған картоп фриді шығарады.

— Номинацияға өз жобаңызды ұсыныңыз

— Жұрт білуге тиіс деп есептейтін сүйікті жобаңызды ұсыныңыз

Әр жоба 8 критерий бойынша бағаланады. Ең жоғары ұпай — 105. Ұпайды қазылар алқасының мүшелері жеке-жеке қояды да, кейін бәрі қоса есептеліп, қорытынды рейтинг шығады.

1. Мәзірі: тағам тез дайындалуы керек, бірақ сапалы әрі ерекше етіп тартылуға тиіс

2. Тағам түрлері: бургер, дөнер, кеспе, картоп фри, тәтті тоқаштар сияқты танымал көше тағамдары немесе солардың авторлық интерпретациясы мен жергілікті дәм болуға тиіс

3. Концепция мен атмосферасы: идея, интерьер мен команда көше гастрономиясының рухын паш етіп тұруы керек

4. Ауқымы: жоба форматы стритфудқа сай болса, мейрамханалар, кафелер, киоскілер мен корнерлер де қатыса алады